·
Os
alumnos de bacharelato do centro coruñés alzáronse cos catro premios da
categoría na que participaban
·
As
curtas premiadas foron 'Atrapados', 'Crónica dun secuestro', 'Días felices' e
'Vidas paralelas'
Os alumnos de bacharelato do IES Manuel Murguía
de Arteixo demostraron o seu bo facer diante e detrás das cámaras no IV Festival
CinEOI Coruña Curtas que se celebrou onte, xoves 10 de abril, na Escola Oficial
de Idiomas da cidade herculina. O centro arteixán enviou ao concurso dez
curtametraxes das cales catro foron premiadas.
Os traballos galardoados son 'Atrapados',
'Crónica
dun secuestro anunciado', 'Vidas
paralelas' e 'Días
felices', que recibiron, respectivamente, o primeiro, segundo, terceiro e cuarto
premio.
Os alumnos foron os responsables de todos os aspectos
da creación das curtas: guión, rodaxe e mesmo a montaxe. Neste senso, o
alumnado puido gozar do obradoiro de produción audiovisual Fala de raio,
que tivo lugar no seu centro e onde se trataron cuestións técnicas e
artísticas. Así, por exemplo, Jorge Saavedra, director de series como 'Matalobos',
tivo en xaneiro un encontro cos alumnos de primeiro de bacharelato para
traballar con eles en cuestións relacionadas coa rodaxe audiovisual.
Os froitos desta formación reflectíronse
positivamente na elevada participación do alumnado no Festival CinEOI. Agora, os
responsables do IES Manuel Murguía queren recoñocer o esforzo dos rapaces cunha
proxección da totalidade das curtas á volta das vacacións de Semana Santa. A
data prevista para esta sesión especial é o luns 28 de abril e o lugar, o
Centro Cívico de Arteixo.
Pódense ver todas as curtas presentadas polo instituto
á categoría xuvenil no seguinte enlace do ENDL da EOI da
Coruña. Son 'Atrapados', 'Crónica dun secuestro anunciado', 'Días felices', 'Vidas paralelas', 'A Herdanza', 'Armando', 'Broma
a Timofónica', 'Galician Discovery', 'Pois xa que estamos...' e 'Un día sen
auga'.
No hay comentarios:
Publicar un comentario